Корпоративтік
басқару
»

«KEGOC» АҚ Корпоративтік басқару кодексіне сәйкес
корпоративтік басқару қағидаттары:

• органдар арасындағы міндеттерді нақты бөлуге негізделген тиімді корпоративтік басқару жүйесі;
• акционерлердің құқықтарын қорғау және сақтауды қамтамасыз ету;
• акционерлер үшін тең шарттар;
• тұрақты даму және мүдделі тараптарды корпоративтік басқарудағы рөлі;
• ақпаратты ашу және ашықтық;
• «KEGOC» АҚ Директорлар кеңесі мен Басқармасының тиімділігі.

Компанияны
басқару
құрылымы

Акционерлік
капитал

2022 жылғы 31 желтоқсандағы жай-күйі бойынша Компанияның жарияланған және орналастырылған жай акцияларының саны – 260 000 000 дана, оның ішінде: «Самұрық-Қазына» АҚ атынан ірі акционерге 234 000 001 акция (90% плюс бір акция), 25 998 609 акция (9,9995%) миноритарлық акционерлерге тиесілі, қалған 1 390 дана акцияны (0,0006%) «KEGOC» АҚ сатып алған.

Компанияның орналастырылған акцияларының бес және одан да көп пайызына иелік ететін акциялар мен акционерлер бойынша айтарлықтай мәмілелер мен өзгерістер 2022 жылы болған жоқ.

Деректер көзі-Қазақстан қор биржасы (https://kase.kz).

Акционерлердің жалпы жиналысы

Акционерлердің жалпы жиналысы «KEGOC» АҚ жоғары органы болып табылады.

Акционерлердің жалпы жиналысы өз қызметі мен өз құқықтарын «Акционерлік қоғамдар туралы» Қазақстан Республикасының Заңына, «KEGOC» АҚ Жарғысына және Акционерлердің жалпы жиналысы туралы ережеге сәйкес іске асырады.

Дивидендтік саясат

«KEGOC» АҚ дивидендтік саясаты дивидендтік төлемдердің мөлшерін белгілеу кезінде акционерлердің мүдделерін сақтауға, Компанияның инвестициялық тартымдылығын арттыруға және оны капиталдандыруға, Қазақстан Республикасының заңнамасында көзделген акционерлердің құқықтарын құрметтеуге және қатаң сақтауға негізделеді. Дивидендтерді төлеу шарттары: Компанияда есептік кезеңдегі таза пайданың немесе бөлінбеген пайданың болуы; Қазақстан Республикасының заңнамасында көзделген дивидендтерді төлеуге шектеулердің болмауы; Акционерлердің жалпы жиналысының шешімі болып табылады.

Дивиденд тарихы

Директорлар
кеңесінің қызметі
туралы есеп

2022 жылғы 1 қаңтардағы жай-күй бойынша Директорлар кеңесінің құрамы

• Тиесов Сүйншлік Әмірхамзаұлы – Директорлар кеңесінің төрағасы, «Самұрық-Қазына» АҚ мүдделерін білдіруші;
• Егімбаева Жанна Дачерқызы – Самұрық-Қазына» АҚ мүдделерін білдіруші;
• Бердіғұлов Ернат Құдайбергенұлы – «Самұрық-Қазына» АҚ мүдделерін білдіруші;
• Аханзарипов Нұрлан Заманбекұлы – тәуелсіз директор;
• Бекенов Жанбота Темірғалиұлы – тәуелсіз директор;
• Ульф Вокурка – тәуелсіз директор;
• Молдабаев Қаныш Тәңірбергенұлы – «KEGOC» АҚ Басқарма төрағасы.

2022 жылғы 10 наурызда (№ 26 хаттама) «KEGOC» АҚ Акционерлерінің кезектен тыс жалпы жиналысының шешімімен:

• «Самұрық-Қазына» АҚ өкілдерінің: Директорлар кеңесінің төрағасы Тиесов Сүйншлік Әмірхамзаұлы мен Директорлар кеңесінің мүшесі Егімбаева Жанна Дочерқызының өкілеттіктері мерзімінен бұрын тоқтатылды;
• «Самұрық-Қазына» АҚ өкілдері: Директорлар кеңесінің төрағасы Бердіғұлов Ернат Құдайбергенұлы және Директорлар кеңесінің мүшелері Репин Алексей Юрьевич пен Жәмиев Алмат Күнжолұлы сайланды.

2022 жылғы 18 шілдеде (№ 28 хаттама) «KEGOC» АҚ Акционерлерінің кезектен тыс жалпы жиналысының шешімімен:

• тәуелсіз директор Бекенов Жанбота Темірғалиұлының өкілеттігі 2022 жылғы 25 маусымнан бастап оның өтініші негізінде мерзімінен бұрын тоқтатылды;
• Сүентаев Дамир Серкбайұлы Директорлар кеңесінің мүшесі, тәуелсіз директор болып сайланды.

Директорлар кеңесінің құрамы

2022 жылғы 31 желтоқсандағы жай-күй бойынша

Директорлар
кеңесінің комитеттері

Аудит жөніндегі комитет

Аудит жөніндегі комитет құрамында үш тәуелсіз директор және сарапшы (дауыс беру құқығынсыз) бар.

2022 жылы Комитеттің 11 күндізгі отырысы өтіп, онда 64 мәселе қаралды.

Тағайындаулар және сыйақылар жөніндегі комитет

Комитеттің мүшелерінің саны 4 (төрт), соның ішінде 2 (екі) тәуелсіз директор, 1 (бір) «Самұрық-Қазына» АҚ өкілі және сарапшы (дауыс беру құқығы жоқ) бар.

2022 жылы Комитеттің 12 күндізгі отырысы өтіп, онда 52 мәселе қаралды.

Стратегиялық жоспарлау
және корпоративтік басқару комитеті

Комитеттің мүшелерінің саны 4 (төрт), соның ішінде 2 (екі) тәуелсіз директор, 1 (бір) «Самұрық-Қазына» АҚ өкілі және дауыс беру құқығы жоқ сарапшы бар.

2022 жылы Комитеттің 11 күндізгі отырысы өтіп, онда 26 мәселе қаралды.

Қауіпсіздік және еңбекті, қоршаған ортаны қорғау комитеті

Комитеттің мүшелерінің саны 4 (төрт), соның ішінде 1 (екі) тәуелсіз директор, 2 (бір) «Самұрық-Қазына» АҚ өкілі және дауыс беру құқығы жоқ сарапшы бар.

Есептік кезеңде Комитеттің 3 күндізгі отырысы өтіп, онда 4 мәселе қаралды.

Атқарушы орган

Басқарманың қызметі туралы есеп

Басқарма жанындағы комитеттері

Алдын ала қарау, алқалық шешімдер қабылдау және жетекшілік ететін мәселелер бойынша «KEGOC» АҚ Басқармасына ұсынымдар дайындау мақсатында Қоғамда консультативтік-кеңесші органдар бар:

• Инвестициялар комитеті
• Тәуекелдер жөніндегі комитет
• Бюджет комитеті
• Кадрларды дамыту жөніндегі комитет
• Дебиторлармен және кредиторлармен жұмыс жөніндегі комитет
• Тауарлы-материалдық қорлармен жұмыс жөніндегі комитет.

Сонымен қатар, тұрақты даму саласындағы басқару мәселелері бойынша, «KEGOC» АҚ біріктірілген менеджмент жүйесін әзірлеу, енгізу, жұмысы бойынша, менеджмент жүйелерінің тиімділігін тұрақты арттыру бойынша жұмыстарды ұйымдастыру және қамтамасыз ету үшін Компанияда консультативтік-кеңесші орган – «KEGOC» АҚ АҚ Басқарма төрағасы басқаратын Тұрақты даму және БМЖ бойынша Үйлестіру кеңесін құрды.

Менеджментті
бағалау және
сыйақы

Директорлар кеңесінің 2022 жылғы 18 қарашадағы шешімімен (№11 хаттама) Директорлар кеңесінің және Директорлар кеңесі комитеттерінің, Директорлар кеңесінің төрағасы мен мүшелерінің, «KEGOC» АҚ Корпоративтік хатшысының 2022 жылғы қызметіне өзін-өзі бағалау әдісімен бағалау жүргізу тәсілі бекітілді.

Директорлар кеңесі мен оның комитеттерінің, Директорлар кеңесінің төрағасы мен мүшелерінің, Корпоративтік хатшының 2022 жылғы қызметін өзін-өзі бағалау нәтижелері бойынша Директорлар кеңесі мен оның комитеттерінің, «Самұрық-Қазына» АҚ ұйымдарының төрағасының, Директорлар кеңесінің мүшелерінің және Корпоративтік хатшысының қызметін бағалау жөніндегі әдістемелік ұсынымдарға сәйкес өткізілді. Қорытынды рейтинг 95%-ды құрады, рейтинг «АА» деңгейінде бағаланды, бұл көрсеткіш Директорлар кеңесі, оның комитеттері және «KEGOC» АҚ Корпоративтік хатшысы барлық маңызды аспектілерде белгіленген өлшемшарттардың көпшілігіне сәйкес келетінін растайды және олардың тиімді жұмыс істейтінін жеткілікті растау бар. Одан әрі жетілдіруді талап ететін аспектілер бойынша Директорлар кеңесінің мүшелері тиісті ұсыныстар берді.

Сауалнамаға қатысуды қоспағанда, Директорлар кеңесі мен оның комитеттерінің, «KEGOC» АҚ Директорлар кеңесінің төрағасы, мүшелері мен Корпоративтік хатшысының қызметін бағалау қағидаларына сәйкес директорлардың ешқайсысы да өз қызметін бағалау процесіне тартылған жоқ.

Акционерлердің жалпы жиналысы бекіткен «KEGOC» АҚ Директорлар кеңесінің құрамын қалыптастыру, «KEGOC» АҚ Директорлар кеңесінің мүшелеріне сыйақы мен шығыстарды өтеуді айқындау қағидаларына сәйкес директорлардың сыйақысы екі бөлімнен тұрады: Директорлар кеңесі комитеттерінің күндізгі отырыстарына төрағалық еткені немесе қатысқаны үшін жылдық тіркелген сыйақы және қосымша сыйақы, бұл ретте Директорлар кеңесі комитеттерінің күндізгі отырыстарына қатысқаны үшін директорларға қосымша сыйақы төлеу алынып тасталды.

Директорға Директорлар кеңесінің, Директорлар кеңесі комитеттерінің отырыстарына баруға, тұрғылықты жерінен тыс өткізілетін кеңестерге баруына байланысты шығыстар: жол жүруі, оның ішінде трансфер, өонақ үй жалдау, тәуліктік шығыстар, Қазақстан Республикасындағы телефон байланысы (ұялы байланысты қоспағанда), сканерлеу, ксерокөшіру, факс, құжаттарды басып шығару, теру, Қазақстан Республикасындағы интернет желісіне қол жеткізу қызметтері, курьерлік және почта қызметінің қызметтері өтеледі. 2022 жылы Директорлар кеңесінің бірде-бір мүшесі өзінің сыйақысына байланысты шешімдер қабылдауға қатысқан жоқ.

Басқарма төрағасы мен мүшелеріне еңбекақы төлеу жүйесі бір жылдағы жұмыс қорытындылары бойынша қызметақыны және сыйақыны қамтиды. «KEGOC» АҚ жылдағы жұмыс қорытындылары бойынша сыйақы аудиттелген қаржылық есептеме негізінде қаржы-шаруашылық қызметінің нәтижелері бекітілгеннен кейін «KEGOC» АҚ бюджетінде осы мақсаттарға көзделген ақшалай қаражат шегінде төленеді. Сыйақы төлеудің негізгі шарты есептік жылдағы шоғырландырылған қорытынды пайданың болуы болып табылады.

Есептік кезеңнің (қысқа мерзімді) қорытындылары бойынша Басқарма төрағасы мен мүшелерінің қызметін бағалау кезінде «KEGOC» АҚ стратегиялық мақсаттарын «KEGOC» АҚ Басқармасының әрбір мүшесі үшін ҚНК картасы түрінде «KEGOC»АҚ бизнес-процестері/қызметінің бағыттары бойынша нақты көрсеткіштерге каскадтау жолымен әзірленетін мотивациялық ҚНК қолданылады. Қысқа мерзімді кезеңдегі уәждемелік тиімділік корпоративті және функционалды тиімділікке бөлінеді.

Басшы қызметкерлердің корпоративтік ҚНК-сын және функционалдық ҚНК-сын Компанияның Директорлар кеңесі бекітеді. Осылайша, «KEGOC» АҚ Директорлар кеңесі Басқарма мүшелерінің уәждемелік ҚНК-сын және олардың 2022 жылға арналған нысаналы мәндерін бекітті.

Негізгі мотивациялық ҚНК

2022 жылдың қорытындысы бойынша корпоративтік ҚНК нысаналы мәндеріне қол жеткізілді.

Мүдделер қайшылығы

Компанияның лауазымды тұлғалары мен қызметкерлері 2022 жылы мүдделер қайшылығына жол бермеді: жеке қызығушылық олардың өз міндеттерін дұрыс орындауына әсер етуі мүмкін жағдайлар болған жоқ; бейтарап шешім қабылдауға әсер ететін немесе әсер етуі мүмкін мүдделер қайшылығы жағдайлары болған жоқ; мүдделілігі бар лауазымды тұлғалар мұндай шешімдерді талқылауға және қабылдауға қатысқан жоқ. Алдын алу шарасы (ескерту) ретінде «KEGOC» АҚ лауазымды тұлғалары мен қызметкерлерінің мүдделер қайшылығын реттеу жөніндегі саясатқа 2022 жылы ықтимал мүдделер қайшылығын ашу туралы декларацияның нысаны енгізілді және бекітілді. 2022 жылы Директорлар кеңесінің құзыретіне мүдделі мәмілелер жасасу мәселелері бойынша талқылауға және дауыс беруге тек тәуелсіз директорлар қатысты, ірі мәмілелер жасалмады.

Корпоративтік этика

Корпоративтік этика, бұл біздің қызметкерлерді біріктіретін негізгі элемент.

Корпоративтік этиканың мақсаты бірыңғай ұжым шеңберіндегі қызметкерлердің өзара қарым қатынасын реттеу болып табылады және жалпы қабылданған адами құндылықтар негізінде қалыптастырылады:

• біліктілігі мен кәсібилігі (Қоғам қызметкерлерінің сапалы білімі, жұмыс тәжірибесі, шешім қабылдау қабілеті, өзінің кәсіби деңгейін арттыруға ұмтылуы);
• адалдық пен ағат пікір (ұйымның қызметіндегі, оның іскери беделін сақтаудағы және жеке мүдделер мен кәсіби қызмет арасындағы қайшылықтарды болдырмаудағы маңызды аспект);
• жауапкершілік біздің Компания қызметінің сапасына кепілдік ретінде;
• жеке тұлғаны құрметтеу (Қоғамның әрбір қызметкері нәсіліне, тіліне, саяси және діни сенімдеріне, жынысына, ұлтына және мәдени байланысына қарамастан өзіне адал және әділ қарауға құқылы);
• коммерциялық құпияны сақтауға ұмтылумен және зиянды және қауіпті емес еңбек жағдайларын қамтамасыз етумен сипатталатын қауіпсіздік.

Компанияның барлық қызметкерлері, оның ішінде жоғары буын басшылары міндетті түрде орындауы керек құжат бұл Мінез-құлық (іскери этика) кодексі болып табылады.

Компанияда Директорлар кеңесіне есеп беретін омбудсмен жұмысын жалғастыруда, оның міндеттерінің бірі қызметкерлер мен лауазымды тұлғалардың мінез-құлық кодексін сақтауын қамтамасыз ету және оның ережелерін түсіндіру болып табылады. Омбудсмен жұмысының негізгі қағидаттары тәуелсіздік, бейтараптық және риясыздыққ, құпиялылық және бейресми болып табылады.

Сыбайлас жемқорлыққа
қарсы іс-қимыл

«KEGOC» АҚ барлық мүдделі тараптармен өзара іс-қимыл кезінде туындайтын кез келген сыбайлас жемқорлыққа және сыбайлас жемқорлық құқық бұзушылықтарды жасыруға оның кез келген көріністерінде үзілді-кесілі төзбеушілік саясатын ұстанады. Компания парақорлықтың кез келген нысанын, оның ішінде, егер мұндай әрекеттер (әрекетсіздіктер) Компания қызметкерлерінің өкілеттіктері шеңберіне кіретін болса, оларды ұсынған тұлғалардың пайдасына жұмыстарды орындағаны немесе қызмет көрсеткені (әрекетсіздігі) үшін материалдық сыйақы, жеңілдіктер не мүліктік, физикалық немесе моральдық сипаттағы қызметтер ұсынуды немесе алуды болдырмайды. Компания қызметкерлері болашақта тараптардың қандай да бір міндеттемелеріне әкелуі мүмкін қонақжайлылық белгілерін білдірмейді немесе сыйлықтарды қабылдамайды. Сыбайлас жемқорлық істеріне тартылған лауазымды тұлғалар мен қызметкерлер Қазақстан Республикасының заңнамасында көзделген тәртіппен жұмыстан шығарылуға және жауапкершілікке тартылуы тиіс.

«KEGOC» АҚ өзінің күнделікті қызметінде сыбайлас жемқорлыққа қарсы заңнаманың талаптарын сақтайды және сыбайлас жемқорлықтың кез келген нысандары мен көріністерінде ымырасыз жемқорлыққа қарсы іс-қимылға және сыбайлас жемқорлық тәуекелін басқаруға бағытталған барынша ұйымдастырушылық және практикалық қадамдарды қоса береді. Компанияның контрагенттерімен жасалған шарттар тараптар мен олардың қызметкерлерінің сыбайлас жемқорлыққа қарсы іс-қимыл жөніндегі міндеттемелерін қамтиды - тараптар сыбайлас жемқорлық қызметіне тарту тәуекелдерін болғызбау мақсатында комплаенс-тексерулер жүргізу жөніндегі рәсімдердің іске асырылуын қамтамасыз етуге міндеттенеді.

Компанияның барлық қызметкерлері (100%) аталған сыбайлас жемқорлыққа қарсы стандарттармен танысты. Компанияның лауазымды тұлғалары сыбайлас жемқорлыққа қарсы заңнаманы сақтау туралы міндеттемелерге қол қою арқылы өзіне сыбайлас жемқорлыққа қарсы шектеулерді қабылдайды. Отставкаға кету институтын іске асыру және олардың қарамағындағылардың сыбайлас жемқорлық қылмыстар жасағаны үшін басшыларды жауапкершілікке тарту жөніндегі іс-қимыл алгоритмін сақтау бойынша жұмыс жүргізілуде.

Тәуекелдерді басқару және
ішкі бақылау
жүйелері

Тәуекелдерді
басқару
процесі

Ішкі аудит қызметі

Ішкі аудит қызметі 2006 жылы «KEGOC» АҚ Директорлар кеңесінің шешімімен құрылды. 2022 жылғы 31 желтоқсандағы жай-күйі бойынша бекітілген ІАҚ штаты 8 адамды құрайды.

Қызметтің миссиясы Директорлар кеңесі мен атқарушы органға Қоғамның стратегиялық мақсаттарына қол жеткізу жөніндегі міндеттерін орындауда қажетті көмек көрсету болып табылады. Қызметтің негізгі мақсаты Директорлар кеңесіне тәуекелдерді басқару, ішкі бақылау және корпоративтік басқару жүйелерін жетілдіруге жүйелі тәсіл енгізу арқылы Қоғамды тиімді басқаруды қамтамасыз етуге арналған тәуелсіз және объективті ақпаратты ұсыну болып табылады.

Барлық аудиторлық тапсырмалар қызметтің миссиясы мен негізгі мақсатын ескере отырып жоспарланған. Ішкі аудитті жоспарлау кезінде тәуекелге бағдарланған тәсіл қолданылды, яғни жоспарға енгізудің басымдығы жағымсыз оқиғаларға неғұрлым бейім бизнес-процестерге беріледі.

2022 жылы орындалған аудиторлық тапсырмалардың нәтижелері бойынша Қызмет анықталған сәйкессіздіктерді жою бойынша Компанияның тиісті ұсынымдарын ұсынды. Аудит объектілері Қызметпен бірлесіп түзету іс-қимылдарының жоспарларын әзірледі. Қызмет тоқсан сайын берілген ұсынымдардың орындалуына мониторинг жүргізеді.

2-мақсат іске асыру индикаторлары